भारतात म्युच्युअल फंड गुंतवणूक क्षेत्राने नुकताच ३९.८८ लाख कोटींचा रुपयांचा टप्पा पार केला आहे.
भारतीय गुंतवणूकदारांमध्ये म्युच्युअल फंड गुंतवणूक ही सर्वात लोकप्रिय गुंतवणूक आहे.
मागील वीस वर्षात इक्विटी म्युच्युअल फंड योजनांनी गुंतवणूकदारांना १२ ते २५ टक्क्यापर्यंत भरभरून परतावा दिला आहे. गुंतवणुकीतून संपत्ती निर्माण करण्याचा चांगला मार्ग म्हणून गुंतवणूकदारांचा म्युच्युअल फंडस् नी ही विश्वासही मिळवला आहे.

लहानपणी आजी आजोबा म्हणा किंवा इतर नातेवाईक, यांनी दिलेले पैसे एक तर थेट आई बाबांकडे दिले जायचे किंवा गल्ल्यात जायचे. गल्ला म्हटलं, की सहसा प्लास्टिक किंवा पत्र्याचा उभा डबा आठवतो, ज्याला फक्त नाणी आणि नोटा घडी करून आत टाकायला छेद असायच साध्यासुध्या भाषेत सांगायचं झालं, तर हे ‘पिगी बँकेचं’ भारतीय रूप होतं. ते जुने दिवस आठवा जेव्हा पिग्गी बँक मध्ये पैसे वाचवले जायचे आणि ठराविक कालावधीनंतर आपण नेहमी हव्या असलेल्या गोष्टी खरेदी करायचो. ही खरोखरच एक मोठी सवय होती जी आता आपण विसरलो आहोत. पण जर तुम्ही ती सवय आता अधिक डिजिटलाइज्ड पद्धतीने दैनिक एसआयपी द्वारे चालू ठेवू शकता आणि त्यावर परतावा देखील मिळवू शकता! मनोरंजक वाटते,

गुंतवणुक वाढीसाठी वेळ देणे म्हणजे बागेत खत घालण्यासारखे आहे. गुंतवणूक दीर्घकालीन असावी. लवकर गुंतवणूक केल्यास, उत्तम परतावा मिळतो. म्युच्युअल फंडस् तुमचे पैसे शेअर बाजारात गुंतवतात व  शेअर बाजार हे मूळातच अस्थिर आणि अनिश्चित मानले जातात. दरवर्षी १५% इतका चांगला परतावा शेअर बाजारात नेहमीच साध्य होऊ शकत नाही. तथापि, दीर्घकालीन गुंतवुणकीमुळे ते शक्य आहे. नजीकच्या भविष्यात सुमारे १५% वार्षिक परतावा शक्य होऊ शकतो, परंतु लक्षात ठेवा, या प्रकरणात सातत्य आवश्यक आहे. त्याच बरोबर हा निव्वळ चक्रवाढाचा (कंपाऊंडिंगचा) परिणाम आहे.