मुदत ठेवींवरील (Fixed Deposits- एफडी) व्याजदर आता 8 टक्यांच्या पुढे जाऊ लागले आहेत. जोखीममुक्त गुंतवणूकदारांसाठी, त्यांचे पैसे मुदत ठेवींमध्ये ठेवण्याची ही सर्वोत्तम वेळ आहे. कारण रिझर्व्ह बॅंकेकडून रेपो दरात सातत्याने वाढ होत आहे. सध्या अनेक बँका ज्येष्ठ नागरिकांच्या फिक्स्ड डिपॉझिट वर 8 टक्क्यांहून अधिक व्याजदर देत आहेत. या बँकांबद्दल जाणून घेऊया.
एसबीआय, आयसीआयसीआय बँक आणि एचडीएफसी बँका यासारख्या मोठ्या बँका वेगवेगळ्या कालावधीसाठी फिक्स्ड डिपॉझिटवर 6 ते 7 टक्यां दरम्यान व्याजदर देत आहेत, तर अनेक छोट्या बँका : सूर्योदय स्मॉल फायनान्स बँक, उज्जीवन स्मॉल फायनान्स बँक, ईएसएएफ स्मॉल फायनान्स बँक आणि नॉन बँकिंग फायनान्स कंपन्या (किंवा NBFCs) ज्या वेगवेगळ्या कालावधीसाठी ठेवीदारांना 8 टक्के ऑफर करत आहेत.
- सूर्योदय स्मॉल फायनान्स बँक 999 दिवसांच्या कालावधीसाठी 8.01 टक्के सर्वोच्च दर देत आहे. ज्येष्ठ नागरिकांसाठी, याच कालावधीसाठी दर 8.26 टक्के आहे.
- उज्जीवन स्मॉल फायनान्स बँकेसाठी, 560 दिवसांच्या मुदतीसाठी (ज्येष्ठ नागरिकांसाठी 8.75 टक्के) सर्वाधिक व्याज दर 8 टक्के आहे.
- ESAF स्मॉल फायनान्स बँक देखील 999 दिवसांसाठी 8 टक्के (ज्येष्ठ नागरिकांसाठी 8.50 टक्के) ऑफर करते.
- त्याचप्रमाणे श्रीराम सिटी युनियन फायनान्स आणि श्रीराम ट्रान्सपोर्ट फायनान्स 60 महिन्यांच्या कालावधीसाठी 8 टक्के ऑफर करत आहेत.
मुदत ठेवींचे दर नुकतेच वाढले असले तरी, आर्थिक बचतीसाठी बँक ठेवीं अजूनही पसंतीचे साधन आहे की नाही हा नेहमीच वादाचा मुद्दा राहिला आहे. बदलती आर्थिक व्यवस्थापन परिस्थिती , व्याजदरातील अस्थिरता आणि जोखीम घेण्याची वाढती क्षमता यामुळे आर्थिक बचतींच्या उपयोजनाच्या पद्धतीत बदल होत आहे. कुटुंबांच्या आर्थिक मालमत्तेबाबत RBI च्या अलीकडील अहवालात असे दिसून आले आहे की, बँक ठेवींचा हिस्सा FY20 मध्ये 34.4 टक्यांवरून FY22 मध्ये 25.5 टक्यांवर घसरला.
हे ही वाचा : – 2022-23 मधील गुंतवणुकीचे 7 सर्वोत्कृष्ट पर्याय
BankBazaar आणि Economic Times च्या डेटानुसार,
बंधन बँक (Bandhan Bank)
बंधन बँकेने फिक्स्ड डिपॉझिट वर जास्त परतावा मिळण्यासाठी विशेष मर्यादित कालावधीची ऑफर सुरू केली आहे. हे दर 2 कोटी रुपयांपर्यंतच्या ठेवींवर लागू आहेत. नवीन दर 7 नोव्हेंबरपासून लागू होणार आहेत. या ऑफरमध्ये बँक 600 दिवसांच्या एफडीवर 7.5 टक्के व्याजदर देत आहे. त्याचबरोबर ज्येष्ठ नागरिकांना या 600 दिवसांच्या एफडीवर 8 टक्के व्याज मिळू शकते.
युनिटी स्मॉल फायनान्स बँक (Unity Small Finance Bank)
युनिटी स्मॉल फायनान्स बँक फिक्स्ड डिपॉझिट वर ग्राहकांना 8.3 टक्यांपर्यंत परतावा मिळू शकतो. बँक ज्येष्ठ नागरिकांना 366 दिवसांच्या एफडीवर 8.3 टक्के व्याज देत आहे. त्याच वेळी सामान्य नागरिकांना या एफडीवर 7.80 टक्के व्याजदर दिला जात आहे. बँकेने अलीकडेच 366 दिवसांची म्हणजेच एक वर्ष एक दिवसाची एफडी योजना सुरू केली आहे. ही ऑफर 30 नोव्हेंबर 2022 पर्यंत वैध आहे
सूर्योदय स्मॉल फायनान्स बँक (Suryoday Small Finance Bank)
सूर्योदय स्मॉल फायनान्स बँकेने अलीकडेच फिक्स्ड डिपॉझिट वरील व्याजदरात वाढ केली आहे. बँकेने सर्व मुदतीच्या FD वरील व्याजदर 0.25 ते 0.52 टक्क्यांपर्यंत वाढवले आहेत. बँक सामान्य ग्राहकांना 999 दिवसांच्या एफडीवर 8.01 टक्के व्याजदर देत आहे. त्याच वेळी ज्येष्ठ नागरिकांना या एफडीवर 8.26 टक्के व्याजदर दिला जात आहे.
एयू स्मॉल फायनान्स बँक (AU Small Finance Bank)
एयू स्मॉल फायनान्स बँकेनेही अलीकडेच फिक्स्ड डिपॉझिट वरील व्याजदरात वाढ केली आहे. बँक सामान्य नागरिकांना एफडीवर 7.5 टक्क्यांपर्यंत परतावा देत आहे. त्याच वेळी बँक ज्येष्ठ नागरिकांच्या एफडीवर 8 टक्यांपर्यंत व्याज दर देत आहे.
ESAF स्मॉल फायनान्स बँक (ESAF Small Finance Bank)
ESAF स्मॉल फायनान्स बँकेने 999 दिवसांची विशेष फिक्स्ड डिपॉझिट योजना सुरू केली आहे. या योजनेत बँक सर्वसामान्य नागरिकांना 8 टक्के व्याजदर देत आहे. त्याचबरोबर येथील ज्येष्ठ नागरिकांना 8.50 टक्के व्याजदर दिला जात आहे. या विशेष एफडी योजनेचा लाभ 30 नोव्हेंबर 2022 पर्यंत घेता येईल.
